أعتقد أنه بيبقي شئ مؤسف لما بتلاقي ناس بتهتم بمظهرها الخارجي، بجمالهم كبنات وببناء أجسدهم كشباب علي حساب الأهتمام بمحتوي عقولهم، شئ مؤسف لما تيجي تتكلم مع حد سؤاء بنت أو ولد وتلاقي عقله خاوي، أسلوبه سخيف، مفرداته فقيره، أسئلته/مواضيعه/مناقشاته أتفه من التفاهه، عدم الأهتمام كليا بتغذيه عقلك ومهما كان شكلك جميل كبنت أو جسمك حلو كولد هيقلل من قيمه مظهركوا الخارجي بشكل ملحوظ، كبنت مستحيل أبدا هتتجوزي شخص كويس وانتي عقلك فقير، تفكيرك بطئ، أهتماتك محدوده إلا لو كان شخص فقير عقليا زيك وبيفكر بنصه التحتاني فقط، وأنت كولد مستحيل هتتقدم في شغلك او تنجح في حياتك وأنت عقلك فقير مفيهوش أي إضافه تذكر، التباهي بعقليتك، بكم الكتب اللي قريتها، المفردات اللي بتمتلكها في ذاكرتك، زوقك الموسيقي من كتر ما سمعت ألوان مختلفه من المزيكا، إحتكاك بأشخاص مثقفه وواعيه فكريا وأدبيا عنك وأستفدتك منهم في نظري أفضل واقيم وأجدي من التباهي بشكلك وجسمك وجمالك الخارجي، المعادله مهمه ومجديه جدا بالأهتمام بالشقين وهتفيدكوا كتير، أسأل نفسك أنت فين من عقلك، راجع كلامك، المواضيع اللي بتفتحها مع اللي حواليك، زوقك في جميع مختلف المجالات في حياتك، وأضعف الأيمان الحاجات اللي بتنشرها علي صفحتك ف مختلف مواقع التواصل الأجتماعي من حيث قيمتها ومحتوها والهدف منها، أكيد هتلاقي أن ناقصك كتير .. أحتموا بالعلم والكتب والثقافه والفن والأفلام الهادفه والمزيكا النضيفه والمثقفين والشعراء وتوغلوا في أفكار الناس المختلفه عنكم لتدعيم ثقافتكم وليس لتدعيم أفكاركم مع الناس المتشابهه ليكوا .. أهتموا بعقولكم قدر الأمكان يرحمكم الله ..