أنا تقريبا معظم مشاكلي مع الناس بسبب كلامهم ليا او معايا. مثلا .. الناس اللي بتتفق معايا علي ميعاد وماتجيش، والناس اللي بيأكدولي أنهم هيعملوا ومابيعملوش، والناس اللي بتقولي انت غير أي حد واطلع زي زي أي حد، أنا عندي مشكله مع الناس اللي بتقول كلام هي مش قصداه. كلام بيقوله وهما عارفين مسبقا انهم مش هيعملوا بيه. عندي مشكله مع الناس اللي مش بتحترم كلمتها ايا كان حجم الكلمه وموضعها. واللي كلامهم بيتولد كلام ويعيش كلام ويموت كلام وعمره ما بيتحول لفعل أبدا. عندي مشكله مع الناس اللي كلمتهم رخصيه ملهاش تمن. عندي مشكله مع الناس اللي كلمتهم بتتغير مع الوقت ..