المكتئب

جميعاً بلا إستثناء عندنا أكتئاب, الفرق الوحيد بيكون في نسبه الأكتئاب ما بينا ومدته معانا قد ايه, خليني أقول أن الإكتئاب من أصعب الأمراض النفسيه في الحياه عموما, المكتئب بدرجه كبيره بيبقي أأقل شخص عنده المقدره أنه يحافظ علي الناس اللي حوليه, بالأضافه أنه يقدر يثبت فتره طويله في علاقاته الأنسانيه مع الأشخاص بوجه عام, بيبقي أكتر حد شفاف جدا, بيصرح بمنتهي السهوله والبساطه ب أي حاجه حاسس بيها مهما كانت حلوه أو وحشه بدون اي تردد او خوف, رد فعله علي اي حادث في حياته بيبقي ضعيف جدا, حب أو كره, حدث سعيد أو حدث مؤلم, مش لانه بارد او مبيحسش, لكن لأنه ببساطه معندهوش أي طاقه للتفاعل مع اي أحداث بتحصل قدامه, الأكتئاب دايما عند الأشخاص اللي دمهم خفيف بيبقي في أسوء درجاته, لانهم ببساطه بيبقي كل شئ بيدور في الكون حواليهم داخل في حيز سخريتهم, بياخدوا المواقف دايما بسخريه بسيطه مع إبتسامه صغيره وبينتهي الموضوع بالنسبالهم بدون اي رد فعل, الكلام مع الشخص المكتئب وتحفزيه علي التغير من نفسه بيكون شئ غير مثمر بالمره, طاقته بتكون صفر, تفكيره صفر, ومهما حاولت معاه وحاول يخرج من إكتائبه بيجي في نص الطريق ويقع تاني, السعاده عنده بتتخلص في تفاصيل صغيره, بتكون سعاده لحظيه ناتجه عن خروجه حلوه, صوره جميله, ماتش كوره فرقته كسبت فيها, فيلم, روايه, يروح ينام يقوم وتلاقيا بيرجع تاني لحالته الطبيعيه, تحسهم دايما مختلفين, عندهم شئ من الأبداع في مجال ما, بيكونوا ساحلين نفسهم فيه رغم انه غالبا بيكون شئ مش مفيد ليهم في حياتهم العمليه, الخروج من الأكتئاب بيكون اشبه كتير بالخروج من الأدمان, عايز وقت, وصبر, ومجهود من المكتئب ومن الناس القريبين ليه, بل يكاد يكون الأدمان لي طرق علاج كتير لكن لحد تلك اللحظه البائسه انا لا اعلم اي طريق او علاج او روشته لعلاج شخص مكتئب ..